“Зялёны марафон” у Беразіно: ствараем гарадскую прастору

17-га лістапада 2015 году адбылася перадапошняя акцыя “Зялёнага марафону ў Беразіно”.

Валянтэры “Офіса развіцця экалагічна-краязнаўчых ініцыятыў” разам з мясцовымі жыхарамі пачалі добраўпарадкаваць тэрыторыю каля Музея лыжак па вул. Маладзёжнай, 5 у г. Беразіно.

Каля музейнага будынку плануецца стварыць камфортную гарадскую прастору, для адпачынку жыхароў гораду. Праект добраўпарадкавання быў узгоднены з аддзелам культуры Бярэзінскага райвыканкаму.

На першым этапе рэалізацыі праекту ў 2015 г. сярод мясцовых жыхароў і прадпрымальнікаў былі сабраныя сродкі на ўсталёўку дзвюх лавачак і пакупку туяў, якія будуць упрыгожваць цэнтральны ўваход у музей.

Таксама закладзены невялікі сквер, у якім будуць высаджвацца рэдкія віды дрэваў. Сёлета былі высаджаны чырвоны дуб, клён Гінана і шарападобная іва.

У наступным годзе плануецца пашырыць колькасць відаў дрэваў

 

http://ecokraj.by/archives/108