Адзіны ў Беларусі музей драўлянай лыжкі (дарэчы,
адкрыты сёлета) налічвае ўжо каля двухсот экспанатаў гэтага віду
старажытнага (і сучаснага таксама) посуду, паведамляе «
Звязда».
Знайшлося ў калекцыі месца і «лыжачцы», якая ўмяшчае ажно 12
літраў. Не дзіўна, што музей не сумуе без наведвальнікаў. Вось і жыхаркі
вёскі Капланцы Марыя Баранава, Ніна Шкатула і Таісія Міклуш (на
фотаздымку) вырашылі паглядзець на гэтае драўлянае дзіва, хоць лыжкамі
іх не здзівіць, бо Бярэзіншчына — край традыцыйнага лыжачнага рамяства.
Экскурсію для вясковых гаспадынь праводзіць кіраўнік раённага
народнага клуба майстроў і заснавальнік музея Ганна Ждановіч (на фота
злева).
Фота Анатоля КЛЕШЧУКА
