Меню сайта |
|
|
Раздзелы рубрык |
|
|
Наша апытанне |
|
|
Пошук |
|
|
Статыстыка |
|
|
|
| | |
|
ЧЫТАЙЦЕ ТУТ. Нашы артыкулы
"КОЛА ШКОЛЬНЫХ ДЗЁН"
Пакой-музей драўлянай лыжкі не стамляецца быць у творчым пошуку і
ствараць новыя цікавыя выставы. На працягу ліпеня–жніўня тут працавала
пастаянна дзеючая выстава, дзе можна было даведацца пра ўраджэнца горада
Беразіно, вядомага ў гісторыі пад мянушкай "купец рэвалюцыі”,
Аляксандра Парвуса, убачыць грашовыя знакі і манеты царскага, савецкага і
постсавецкага часоў. У ліку наведвальнікаў музея школьнікі, выхаванцы
дзіцячых садкоў і дарослыя. Нямала сярод гасцей жыхароў Мінска, Масквы і
Санкт–Пецярбурга. Сталічныя і замежныя людзі рады пачуць жывое
беларускае слова, сфатаграфавацца на памяць ля лыжак. Усе яны
прызнаюцца: у музеі ёсць, на што паглядзець і чым падзівіцца.
"Кола школьных дзён” – чарговая выстава пакоя-музея, якая была наладжана
да Дня ведаў. Тут прадстаўлены экспанаты, якія расказваюць пра школьнае
жыццё на працягу ўсяго ХХ стагоддзя. Наведвальнікам будзе цікава
даведацца, як гісторыя і час зрабілі свой уплыў на шматлікія дакументы і
падручнікі розных часоў, як на працягу гадоў мянялася не толькі
дзяржаўная сімволіка, мова дакументаў, але і тэмы матэматычных задачак.
Пазнаёміцца з новай выставай паспелі ўжо настаўнікі і вучні СШ № 2
горада. Для іх першы дзень верасня прайшоў незвычайна: адразу пасля
ўрачыстай лінейкі яны наведалі пакой-музей драўлянай лыжкі.
Значную частку каштоўных экспанатаў выставы прадставіў вядомы
бярэзінскі краязнаўца Ігар Леанідавіч Жукоўскі. Менавіта яго шчырае
захапленне зборам і зберажэннем прадметаў мінулых часоў у многім
садзейнічала поспеху выставы, дапоўнілі экспазіцыю і прадметы сям’і
Ждановіч.
Запланавана, што выстава будзе працаваць на працягу
верасня–кастрычніка, а яе наведвальнікамі стануць не толькі настаўнікі і
вучні, але і тыя, хто захаваў у сваіх сэрцах шчымлівыя ўспаміны пра
школьныя будні. Дамовіцца аб незвычайнай сустрэчы са школай можна па
папярэднім дагаворы з гаспадыняй музея Ганнай Аляксандраўнай Ждановіч па тэлефонах 5-68-39 і 5-12-21.
Ждановіч Алена, матэрыял апублікаваны на старонках раённай газеты
|
Категория: Нашы артыкулы | Добавил: lyzhkary (23.03.2012)
|
Просмотров: 797
|
| |
| | |
|