У перадапошнія дні красавіка пайшоў з жыцця майстар Васіль Андрэевіч Мурашка. Актыўны ўдзельнік шматлікіх раённых, абласных і рэспубліканскіх мерапрыемстваў, святаў і праектаў Народнага клуба майстроў, выдатны рэзчык-лыжачнік, цікавы і добры чалавек, ён здзіўляў сваім майстэрствам, а таксама актыўнай жыццёвай пазіцыяй, нягледзячы на паважаны ўзрост. Драўляныя лыжкі-прыгажуні Васіля Андрэевіча праславілі яго імя сярод рэзчыкаў па дрэве, іншых майстроў  і простых людзей. Усе, хто добра ведаў гэтага чалавека, не раз успомняць лагодным і цёплым словам В.А.Мурашку.