Па добрай традыцыі 1 верасня першы ўрок пад назвай "Мой гонар - мая Радзіма" для вучняў гімназіі і сярэдняй школы № 2 г.Беразіно прайшоў у пакоі-музеі драўлянай лыжкі. Хлопчыкі і дзяўчаткі змаглі даведацца пра гісторыю ўзнікнення такіх сталовых прыбораў, як лыжка, відэлец і нож, убачыць і сфатаграфавацца ля самай вялікай лыжкі Беларусі, стаць музыкантамі-лыжачнікамі, а таксама даведацца пра майстроў-землякоў, дзякуючы якім створаны сапраўдныя шэдэўры драўлянага мастацтва.